Një ditë pas zhvillimit të procesit të pjesëshëm zgjedhor në 6 bashki në Shqipëri, Partia Socialiste në pushtet, duket se ka fituar në pesë prej tyre. Në bashkinë e Shkodrës vijon numërimi dhe duket se kandidati i të djathtës Shtëpia e Lirisë, Bardh Spahiu po shkon drejt fitores.
Sipas agjencisë së lajmeve www.balkanweb.com, Deri më tani, janë numëruar 219 nga 250 gjithsej kuti votimi. Prej tyre rezulton se më së shumti vota ka siguruar kandidati i Shtëpisë së Lirisë, Bardh Spahia 18251 vota, ndjekur nga kandidatja e PS, Majlinda Angoni me 16249 vota.
Kandidati tjetër i opozitës dhe i partisë Demokratike, PD, Xhemal Bushati ka siguaruar 6586 vota. Balkanëeb raporton se procesi i numërimit vijon edhe në bashkinë e Durrësit. Nga të dhënat e deritanishme rezulton se Partia Socialiste kryeson me kandidaten e saj Emirjana Sako.
